Aqtóbede temirjoldy belgilenbegen jerden kesip ótken 500-den astam adam jaýapqa tartyldy
AQTÓBE. KAZINFORM – Bıyl úsh aıda poıyz mashınısteri 8 ret jyldamdyqty shuǵyl tejegen. Oǵan adam men maldyń joldy kesip ótýi sebep boldy.
Aqtóbe oblysy aýmaǵynda «Temirjolda ózińdi saqta» aktsııasy ótti. Aqtóbe stantsııasyndaǵy kóliktegi polıtsııa bólimi oqýshylar men stýdentterge, temirjol boıynda turatyn úı turǵyndaryna eskertý jasady.
- Bıyl úsh aıda temirjoldy belgilenbegen jerden kesip ótken 575 adamǵa ákimshilik hattama toltyryldy. Olar Ákimshilik quqyqbuzýshylyq týraly kodekstiń 559-baby boıynsha aıyppul tóledi. Sondaı-aq, temirjol boıynda adamdar jáne mal júrgen kezde poıyzdardy shuǵyl tejeýge týra keldi. Mundaı 8 fakti tirkeldi. Sondyqtan Aqtóbe stantsııasyndaǵy kóliktegi polıtsııa bólimi 100-ge jýyq oqýshyny arnaıy oqý bazasyna aparyp, joldaǵy qaýipsizdik jaıyn túsindirdi. Oqýshylardyń bári de temirjol mańyna jaqyn mektepte oqıdy,- dep habarlady Aqtóbe stantsııasyndaǵy kóliktegi polıtsııa bólimi.
Buǵan deıin habarlaǵanymyzdaı, Aqtóbede temirjolshy jumys ornynda jaraqat alyp, tósekke tańylyp qaldy. Dilhan Aımaǵambettiń jambasy synyp, tura almaıdy. Baýyrlary eńbek ınspektsııasynyń tekserý qorytyndysyn joqqa shyǵaryp, qaıta shaǵym túsirdi.
