Aqtóbede temirjol vokzalyna «bomba qoıǵan» kúdikti ustaldy
AQTÓBE. QazAqparat – Temirjol vokzalyna jarylǵysh zat qoıylǵany týraly jalǵan aqparat bergen Aqtóbe turǵyny ustaldy, dep habarlaıdy QazAqparat tilshisi.
Almaty qalalyq polıtsııa bólimine «Mobaıl Telekom Servıs» JShS-niń Sool-ortalyǵynan habarlama tústi. 25 jastaǵy qala turǵyny baılanys operatoryna telefon shalyp, temirjol vokzalyn jaryp jiberetinin aıtqan.
«Aqparat Almatydaǵy jedel qyzmetke berildi. Polıtsııa tekserý kezinde telefon nómiriniń Aqtóbede tirkelgenin anyqtady. Jedel izdestirý is-sharasy kezinde 25 jastaǵy turǵyn ustaldy. Odan telefon men jelilik blok, modem tárkilendi. Kúdikti ýaqytsha tergeý ızolıatoryna qamaldy. Qylmystyq is qozǵalyp, tergeý júrip jatyr. Tótenshe jaǵdaı rejımi kezinde tirkelgen soń Qylmystyq kodekstiń «Qylmystyq jaýaptylyq pen jazany aýyrlatatyn mán-jaılar» baby da eskeriledi», - dep habarlady oblystyq PD baspasóz qyzmetiniń jetekshisi Erbolat Sarqulov.
