Aqtóbede temirjol men áýejaıda vaktsınatsııalaý pýnkti ashyldy

AQTÓBE. QazAqparat – Aqtóbe oblysy boıynsha vaktsına saldyrýǵa qabiletti turǵyndardyń teń jartysy ımmýndaý sharasyna qatysty. Qazirgi kezde temirjol vokzaly, áýejaı men saýda-oıyn-saýyq kesheninde vaktsınatsııalaý pýnkti ashyldy, dep habarlaıdy QazAqparat tilshisi.

Aqtóbe oblysy boıynsha barlyǵy 522 myńnan astam adam vaktsına saldyrýǵa qabiletti. Qazirgi kezde 305 myńnan astamy birinshi, al 252 myńy eki komponentin de saldyrdy.

«Qazirgi kezde vaktsına saldyratyn adamdardyń teń jartysyna jýyǵy ımmýndaldy. Qazirgi kezde barlyq emhanada vaktsınatsııalaý pýnkti bar. Sonymen birge temirjol vokzaly, áýejaı men «Kerýen» saýda-oıyn-saýyq ortalyǵynda vaktsınatsııalaý pýnkti ashyldy. Úsheýinde saǵat 9:00-18:00 aralyǵynda dárigerler jumys isteıdi»,- dedi oblystyq densaýlyq saqtaý basqarmasy basshysynyń orynbasary Bekbolat Іzbasarov.