Aqtóbede Telegram arqyly elektrondy temeki satqan turǵyn ustaldy

AQTÓBE. KAZINFORM - Aqtóbe qalasynyń turǵyny Telegram messendjeri arqyly 400-deı birrettik temeki satpaq boldy. Zattaı aıǵaqtar tárkilenip, tergeý bastaldy.

Polıtsııa qyzmetkerleri elektrondy temekini zańsyz satýmen aınalysqan 32 jastaǵy turǵyndy ustady. Er adam shylymdy Telegram messendjerindegi ınternet-dúkeni arqyly saýdalaǵan.

- Kúdiktiniń turǵylyqty jeri boıynsha tintý júrgizildi. Onda tártip saqshylary 400-den astam birrettik temeki, 300-den astam suıyqtyq pen olardy tutynýǵa arnalǵan kartrıdjdi taýyp, tárkiledi.

«Shekpeıtin temeki ónimderin, elektrondyq tutyný júıelerin, hosh ıistendirgishter men suıyqtyqtardy satý jáne taratý faktisi boıynsha sotqa deıingi tergep-tekserý júrgizilip jatyr», - dep habardy oblystyq PD baspasóz qyzmetiniń jetekshisi Erbolat Sarqulov. 

Eske salsaq, Petropavlda veıp satýdy kásipke aınaldyrǵan úsh kúdikti ustaldy. Olardan 200-ge jýyq elektrondy temeki tárkilendi.