Aqtóbede tekserý komıssııasy ózgeniń esebinen as ishken
QR Sybaılas jemqorlyqqa qarsy is-qımyl agenttigi tóraǵasy is-saparlyq tekserýler kezinde qyzmettik ókilettikti asyra paıdalanbaý týraly qatań eskertken bolatyn. Alaıda memlekettik qyzmetkerlerge bul eskertý toqtaý bolmaı tur.
"Aqtóbe - adaldyq alańy" jobalyq keńsesi 10 maýsymda Aqtóbe oblysynyń Oıyl aýyldyq okrýgine bardy. Baqylaý barysynda oblys ortalyǵynan barǵan tekserý komıssııasy qyzmetkerleriniń jeti múshesi 27 mamyr men 5 shilde aralyǵynda Oıyl aýdanyna aýdıtorlyq tekserý júrgizgen. Sol kezde Oıyl aýandyq bilim, dene tárbıesi jáne sport bólimine qarasty Sh.Bekmýhambetova atyndaǵy mektep-ınternattyń ǵımaratyna qonystanǵan bolyp shyqty.
"Tekserý komıssııasynyń músheleri úshin 27 mamyr men 5 shilde aralyǵynda kún saıyn 3 549 teńge qarjy tóleý mindettelgen. Qarjyny 1 maýsymǵa deıin aýdarý qajet bolǵan. Faktini anyqtaý barysynda aqshanyń sol ýaqytta tólenbegeni anyqtaldy. Sonymen qatar kelisimshart talabyna sáıkes ǵımaratty arendaǵa alý kezinde aqshany mektep-ınternatqa emes, Oıyl aýyldyq okrýginiń ákimdigine aýdarý týraly derek jazylǵan. Bul da qate. Ári vıdeomaterıalda mektep-ınternat jumysshylary tekserý komıssııasy qyzmetkerlerine tamaq ázirlep, dastarhan daıyndaǵanyn kóremiz. Anyqtaý kezinde olardyń arasynda kelisimshart joq ekeni belgili boldy", - "Aqtóbe - adaldyq alańy" jobalyq keńsesiniń baspasóz qyzmeti.
Aıta keteıik, "Aqtóbe - adaldyq alańy" jobalyq keńsesi qoǵam belsendilerin baqylaýdy kúsheıtýdi jáne atalǵan faktilermen kezdesken jaǵdaıda habar berýdi suraıdy. Al anyqtalǵan derekter quzyreti organdarǵa jiberildi.