Aqtóbede tehnıkalyq jáne kásibı bilim berýdi jetildirý úshin jumys toby quryldy
AQTÓBE. QazAqparat - Aqtóbe oblysynyń ákimi Berdibek Saparbaev keler atpada tehnıkalyq jáne kásibı bilim berýdi jetildirýge arnalǵan usynystar ázirleýdi tapsyrdy. Oblys ákiminiń baspasóz qyzmetiniń málimetine súıensek, óńirde arnaıy jumys toby quryldy, dep habarlaıdy QazAqparat tilshisi.
Aqtóbe oblysynyń ákimdiginde jergilikti joǵary oqý oryndary men kolledj basshylarynyń qatysýymen jınalys ótti. Arnaıy bilim berý júıesin jetildirýge baǵyttalǵan jıyn kezinde óńir basshysy Berdibek Saparbaev naqty usynystar daıyndaýdy tapsyrdy.
«Olar óz salasyn jaqsy biletin saýatty mamandar bolýy kerek. Top kolledjderdegi bilim berý máselesin sheshý men sapasyn arttyrý boıynsha naqty, sonyń ishinde uzaq merzimdi usynystardy taldap, ázirleıdi», - dedi oblys ákimi Berdibek Saparbaev.
Aıta keteıik, arnaıy topty oblys ákiminiń orynbasary Erbol Nurǵalıev basqarady. Sonymen qatar, onyń quramyna «Atameken» UKP fılıalynyń ókilderi, kásipkerler, oqý oryndarynyń basshylary bolady. Qazirgi kezde óńirde 42 kolledj bolsa, onyń 26-sy - memlekettik. Kolledjdiń árbir tórtinshi stýdenti syrttaı bilim alady.
