Aqtóbede tehnıkalyq qyzmet kórsetý ortalyǵyndaǵy jarylystan soń qylmystyq is qozǵaldy
AQTÓBE. QazAqparat – Aqtóbede tehnıkalyq qyzmet kórsetý ortalyǵyndaǵy jarylystan soń qylmystyq is qozǵaldy, dep habarlaıdy QazAqparat tilshisi.
Aqtóbe qalasyndaǵy tehnıkalyq qyzmet kórsetý ortalyǵynda qazir úıindi astynda qalǵan kólikterdi shyǵarý jumystary júrgizilip jatyr.
Oblystyq TJD bastyǵynyń orynbasary Qaırat Qasymnyń aıtýynsha, habar túsken kezde kórshi ǵımarattaǵy kúzetshiniń aıtýymen izdeý-qutqarý jumystary júrgizilgen. Úıindi astynda qalǵan kúzetshiniń orny anyqtalǵan soń denesi shyǵaryldy.
«Barlyǵy 174 adam, 25 tehnıka oqıǵa ornyna kelip, jumys istedi. Oqıǵa túnde bolǵan soń ǵımarat ishinde tek kúzetshi ǵana bolǵan», - dedi oblystyq TJD bastyǵynyń orynbasar Qaırat Qasym.
Qazirgi kezde 11 avtokóliktiń úıindi astynda qalǵany belgili bolyp otyr.
«Aqtóbe oblysynyń Polıtsııa departamenti Qylmystyq kodekstiń «Órt qaýipsizdigi talaptaryn buzý» baby boıynsha sotqa deıingi tergeýdi bastady», - dedi oblystyq PD baspasóz qyzmeti.
