Aqtóbede tegin dári-dármek bere almaǵan medıtsına nysandary aqshany keri qaıtarady
AQTÓBE. QazAqparat - Medıtsınalyq saqtandyrý qorynyń Aqtóbe oblystyq fılıaly tegin dári-dármekti ýaqytynda jetkizbegen emhana, aýrýhanalardan aqshany keri qaıtarady, dep habarlaıdy QazAqparat tilshisi.
Aqtóbede mindetti tegin em júrgizip otyrǵan medıtsınalyq mekemeler ózderine mindettelgen jumysty durys atqara almady. Medıtsınalyq saqtandyrý qorynyń oblystyq fılıaly 2018 jyldyń qorytyndysyn jasap, 262 mıllıon teńgeni keri qaıtardy.
«Áleýmettik medıtsınalyq saqtandyrý qorynyń Aqtóbe oblystyq fılıaly ótken jyly 63 mekememen kelisimshart jasady. Medıtsınaldyq qyzmettiń sapaly júrgizilýin baqylaǵan kezde birneshe zańsyzdyq anyqtaldy. Jospardan tys monıtorıng júrgizýge naýqastardyń aryz-shaǵymy da túrtki bola alady. Máselen, 2018 jyly 18 myńnan astam qatelik tabyldy. Barlyǵy 262 mıllıon teńgeden astam qarjy keri qaıtarylady. Sebebi, sozylmaly aýrýmen esepte turǵan adamdarǵa der kezinde tegin dári-dármek jetkizilmedi, tegin medıtsınalyq jabdyqtar da qoljetimdi bolmady. Bólingen qarjy keri qaıtarylyp, qaıta bólinedi», - dep habarlady Áleýmettik medıtsınalyq saqtandyrý qorynyń Aqtóbe oblystyq fılıaly.
Aıta keteıik, bıyl Aqtóbedegi emdeý mekemelerine 39,1 mıllıard teńge bólindi.
