Aqtóbede Tájikstan azamatynyń neden kóz jumǵany belgili boldy
AQTÓBE. QazAqparat – «Samara – Shymkent» tasjolynda qalyp qoıǵan avtobýs jolaýshysynyń júregi toqtap qalǵan. Bul týraly oblystyq polıtsııa departamenti málimdedi, dep habarlaıdy QazAqparat tilshisi.
«5 qarasha kúni saǵat 06:40-ta avtobýs ishinen Tájikstan azamatynyń denesi tabyldy. Ol Reseıden Tájikstanǵa baǵyt alǵan avtobýsta bolǵan. Denesi Hromtaý aýdandyq aýrýhanasyna jetkizilip, saraptama júrgizildi. Nátıjesinde jolaýshynyń júrektiń ıshemııalyq aýrýynan jan tapsyrǵany belgili boldy. Denesinde zorlyq-zombylyq belgisi men úsik shalý joq», - dedi oblystyq PD baspasóz qyzmetiniń jetekshisi Erbolat Sarqulov.
Buǵan deıin oblystyq tótenshe jaǵdaılar qyzmeti 63 jastaǵy Hýchamýrod Baenovtyń ólim sebebi anyqtalyp jatqanyn habarlaǵan bolatyn.
Aqtóbe oblystyq polıtsııa departamenti baspasóz qyzmetiniń habarlaýynsha, taǵy eki Tájikstan azamaty densaýlyǵyna shaǵymdanǵan. Olarǵa medıtsınalyq kómek kórsetildi.
