Aqtóbede Tájikstan azamattary mingen avtobýs aýdarylyp qaldy
AQTÓBE. QazAqparat – Samara – Shymkent tasjolynda «Hýndaı Stareks» avtobýsy aýdarylyp qaldy. Jolaýshylardyń bári din aman, dep habarlaıdy QazAqparat tilshisi.
Búgin tańǵy saǵat 7:00-de avtobýs aýdarylyp qaldy. Samara – Shymkent tasjolynda bolǵan jol-kólik oqıǵasy kezinde eshkim zardap shekken joq.
«Avtobýsty 47 jastaǵy Tájikstan azamaty júrgizgen. Ol kóktaıǵaqty eskermeı, jol jıegine shyǵyp ketip, aýdaryldy. Salon ishinde 10 jolaýshy bar. Bári de Tájikstan respýblıkasynyń azamaty. Olar Reseıdiń Chelıabi qalasynan óz elderine jolǵa shyqqan. Jol-kólik oqıǵasy kezinde eshkim jaraqat alǵan joq», - dedi oblystyq polıtsııa departamenti baspasóz qyzmetiniń jetekshisi Erbolat Sarqulov.
Oqıǵa ornyna barǵan polıtsııa men tótenshe jaǵdaılar qyzmeti avtobýsty kóterip, jolǵa shyǵardy. Sonymen qatar jolaýshylar Hromtaý aýdanynyń Bógetsaı aýylyndaǵy jylytý ornyna jetkizildi.
