Aqtóbede «Taza Qazaqstan» baǵdarlamasy aıasynda «Eskertkish – el tarıhy» aktsııasy ótti
AQTÓBE. KAZINFORM – 29 tamyzda Aqtóbe oblysynda «Taza Qazaqstan» baǵdarlamasy aıasynda ótken «Eskertkish – el tarıhy» aktsııasyna óńir jastary belsendi túrde qatysty.
Іs-sharaǵa qatysqan «Jas Invent» jastar uıymynyń kóshbasshysy Dana Júsip halqymyzdyń mádenı-tarıhı murasyn saqtaýǵa úles qosýdy, uly qaıratkerlerimizdi eske alýdy mindeti sanaıtynyn jetkizdi.
Aktsııanyń basty maqsaty – tarıhı eskertkishterdi saqtaý jáne mádenı-tarıhı murany qorǵaý máselelerine jurtshylyqtyń nazaryn aýdartý.
Aqtóbe oblysynda eskertkishterdi qalpyna keltirý, sondaı-aq olardyń bastapqy kelbetin qalpyna keltirý boıynsha josparly jumystar júrgizilip jatyr. Óıtkeni, olardyń arqasynda ótkenmen baılanys saqtalady jáne mura bolashaq urpaqqa beriledi.
«Eskertkish – el tarıhy» aktsııasy ınternatsıonalıst-jaýyngerlerge arnalǵan eskertkish-obelısk jáne ashtyq pen saıası qýǵyn-súrgin qurbandaryna arnalǵan memorıalda ótti.
«Jas Invent» jastar uıymynyń belsendileri eskertkishter aýmaǵyndaǵy qoqystardy tazartty, al merdiger uıymdar jarylǵan plıtkalardy aýystyrdy, eskertkishterdiń jaryqtandyrylýyn jańartty.
Eskertkishter aýmaǵyn jóndeý, abattandyrý men tazalaý aktsııasy oblystyń barlyq aýdanynda ótti.
Anyqtama: Aqtóbe oblysynda memlekettik tizilimge engizilgen barlyǵy 863 eskertkish bar. Onyń 9-y respýblıkalyq, qalǵandary jergilikti mańyzy bar eskertkishter. Sondaı-aq arheologııalyq eskertkishter – 669, monýmentaldy óner eskertkishteri – 58, qala qurylysy jáne sáýlet eskertkishteri – 87, ansamblder – 6, kıeli nysandar sany – 43. Budan ózge, tarıhı-mádenı mura obektilerin aldyn ala esepke alý tiziminde 1 431 nysan tirkelgen.
