Aqtóbede tasqynnan japa shekken 268 otbasynyń materıaldyq shyǵyny tólendi

AQTÓBE. KAZINFORM — Aqtóbe oblysy boıynsha 268 otbasyna materıaldyq shyǵyn tólendi. Bul — 97 mln teńgege jýyq qarjy.

Aqtóbe oblysy ákiminiń baspasóz qyzmetiniń habarlaýynsha, sý tasqynynan keıingi shyǵyndy óteý jumysy jalǵasyp jatyr.

Búginde 2700-den astam otbasy 100 AEK kóleminde birjolǵy tólemdi aldy. 

Ol úshin bıýdjetten shamamen 877 mln teńge aýdaryldy.

Jalpy óńirde 4600-den astam úıge sý kirse, onyń 3200-den astamy baý-baqsha ujymdarynda ornalasqan. 

— Barlyǵy myńnan astam úı tekserilip, 700-ine baǵalaý qorytyndysy shyǵaryldy. Qazirgi esep boıynsha 420-sy qaıta qalpyna keltirýge jatady. Oblys boıynsha 641 úı jaramsyz kúıde. Qazirgi statıstıka boıynsha 225 otbasy 502 mln teńgege jýyq aqsha berildi. Bul úıin qalpyna keltirýge, jóndeýge bólingen qarjy. Al 5 otbasy daıyn úı aldy. Bul úshin bıýdjetten aqsha bólinbedi, — dep habarlady Aqtóbe oblysy ákiminiń baspasóz qyzmeti. 

Aıta keteıik, mal shyǵyny ázirge 3232 bas dep esepteldi. Onyń 1200-den astamyna ótemaqy berildi. Onyń shyǵyny 215 mln teńge bolyp tur. 

Bıylǵy sý tasqyny kezinde Aqtóbe qalasy men 6 aýdanda jergilikti deńgeıde tótenshe jaǵdaı jarııalandy.

Qazirgi kezde tek Yrǵyz aýdanynda tasqynǵa qarsy kúres jumysy jalǵasyp jatyr. Munda úsh aýylǵa sý kirse, taǵy eki aýylda qaýip joǵary. 

Yrǵyz aýdanynyń Quılys pen Jaısańbaı aýyldaryna Torǵaı ózeninen sý kelip jatyr.