Aqtóbede tasqyn sýdan zardap shekkenderge arnap esepshot ashyldy
AQTÓBE. KAZINFORM – Aqtóbede «Qamqor – Aqtóbe 2024» qoǵamdyq qor qurylyp, esepshoty ashyldy. Munda túsken qarjy tasqyn sýdan zardap shekkenderge jumsalady.
Aqtóbe oblysy boıynsha qazir 761 úı búlingen. Onyń 9-y qırap qaldy. Sonymen birge óńirde 10 áleýmettik nysanǵa sý kirdi. Kóbi Qobda aýdanynda tirkelip tur. Sý tasqyny kezinde búlingen úılerdiń shyǵynyn esepteý úshin qazir komıssııa jumys istep jatyr. Degenmen keıbir úılerde qujat bolmaýy múmkin. Olarǵa kómektesý qıynǵa soǵady.
- Óńirde sý tasqynynan zardap shekken adamdarǵa kómektesý úshin qor quryldy. Oǵan zańdy tulǵalar, jeke adamdar da qarjy aýdara alady. Munyń jumysyn zańgerler, qoǵamdyq keńes ókilderi, depýtattar, qoǵam belsendileri baqylaıdy. Bul qordaǵy aqsha qujattary durys rásimdelmegen, memleketten kómek berý kezinde zań turǵysynan kedergige tap bolǵan adamdarǵa baǵyttalady. Qor tikeleı baryp, tekserý júrgizbeıdi. Tek baǵalaý komıssııasynyń qorytyndysymen qarjylaı kómek beriledi,- dedi «Qamqor – Aqtóbe 2024» qorynyń basshysy Abdýhat Myrzalın. Qordyń baılanys nómiri: +7 (7132) 41-00-40.
