Aqtóbede tarıf kóterilip, elektrondyq bılettendirý júıesi iske qosylady
AQTÓBE. QazAqparat - Aqtóbe ákimdigi men negizgi tasymaldaýshy - «Avtopark» JShS ortaq sheshimge keldi. Kásiporyn qajet avtobýstardy satyp alsa, ákimdik tarıfterdi qaıta qarastyrýǵa kelisim berdi. Bul jóninde qala ákimi Іlııas Ispanov óńirlik kommýnıkatsııalar qyzmetinde ótken baspasóz máslıhatynda aıtty, dep habarlaıdy QazAqparat tilshisi.
Buǵan deıin ákimdik «Avtopark» jaýapkershiligi shekteýli seriktestigin sotqa berip, kelisimde kórsetilgen mindetterdi oryndaýyn talap etken.
«Sot alty tarmaq boıynsha sheshim shyǵardy. Tasymaldaýshy ınvestıtsııalyq baǵdarlamalardy oryndaýy kerek. Sot bizdiń talapty qanaǵattandyryp otyr. Dál qazir «Avtoparktiń» qýynymyn appelıatsııalyq alqa qarastyryp jatyr», - dedi I. Ispanov.
Búginde Aqtóbede qoǵamdyq kólikte júrý tarıfi 55 teńge.
Aqtóbe qalasyna elektrondyq bılettendirý júıesin jáne qospaly tarıfti engizý josparlanyp otyr. Mundaı jaǵdaıda jol aqysyn qolma-qol tólegennen góri kartochkamen tóleý áldeqaıda arzan bolady.
Ákimniń aıtýynsha, elektrondyq bılettendirý júıesin engizgen boıda azamattardyń jeńildikpen júretin sanaty úshin jol aqysynyń shyǵyndarynyń ornyn toltyrý múmkindigi qarastyrylady.
