Aqtóbede tanysyn pyshaqtap óltirgen kúdikti ustaldy
Aqtóbe oblystyq polıtsııa departamenti baspasóz qyzmetiniń habarlaýynsha, oqıǵa 3 qarasha kúni Keńqııaq aýylynda bolǵan. Aýyldyq aýrýhananyń qabyldaý bólimine 41 jastaǵy turǵynnyń máıiti jetkizilgen soń dereý polıtsııaǵa habar berip, medıtsınalyq mekemege jedel tergeý toby jiberildi. Olar 33 jastaǵy kúdiktini anyqtap, «izin sýytpaı» ustady.
«Tergeý barysynda qaıǵyly oqıǵa jábirlenýshiniń úıiniń aýlasynda bolǵany anyqtaldy. Іshimdik ishken tanystardyń arasynda janjal týyndap, sońynda kúdikti jábirlenýshige pyshaq suǵyp alǵan. Qylmys ornynan as úı pyshaǵy tárkilendi»,- dedi oblystyq PD baspasóz qyzmetinie jetekshisi Erbolat Sarqulov.
QR QK-niń «Adam óltirý» baby boıynsha sotqa deıingi tergeý bastaldy. Sot-medıtsınalyq saraptamasy taǵaıyndaldy.