Aqtóbede taǵy eki oqýshydan koronavırýs ınfektsııasy anyqtaldy
AQTÓBE. QazAqparat – Aqtóbe oblysynda ótken táýlikte eki oqýshydan koronavırýs ınfektsııasy anyqtaldy, dep habarlaıdy QazAqparat tilshisi.
Ótken táýlikte Aqtóbede 11 adamnan koronavırýs ınfektsııasy anyqtaldy. Onyń 9-y Aqtóbe qalasynyń, ózgesi Mártók aýdanynyń turǵyny.
«Qyrkúıek aıynan beri Aqtóbe oblysynda barlyǵy 15 oqýshy koronavırýs ınfektsııasy anyqtaldy. Onyń úsheýi mektepte oqıdy, ózgesi onlaın bilim alyp júrgen. Sońǵy táýlikte №3 orta mekteptiń eki oqýshysynan COVID-19 anyqtaldy. Olar qashyqtan bilim alyp júrgen balalar. Ata-analarynan vırýs juǵyp otyr», - dedi oblystyq sanıtarlyq-epıdemıologııalyq baqylaý departamenti basshynyń orynbasary Muhtar Serbaev.
Qazir Aqtóbe oblysynda 14 ınfektsııalyq oshaq bar. Barlyǵy epıdemıolog dárigerlerdiń baqylaýynda.
«Aqtóbe oblysynyń aýmaǵynda blokpost joq. Aqpan aıynan bastap Mártók aýdanyndaǵy «Jaısań», Qarǵaly aýdanyndaǵy «Álimbet» sanıtarlyq-karantındik pýnktteri jumys istep tur. Al 6-qazan kúninen bastap «Álimbet» sanıtarlyq-karantındik pýnkti arqyly 15 730 adam, Jaısań» sanıtarlyq-karantındik pýnkti arqyly 33 048 adam ótti. Shekaradan ótken 47 adamnan koronavırýs ınfektsııasy anyqtaldy. Oblys boıynsha monıtorıngtik toptar reıd júrgizýdi jalǵastyryp jatyr. «Ákimshilik quqyq buzýshylyq týraly» Kodeksiniń 425-baby 1-bóligi boıynsha 169 mıllıon teńge aıyppul salyndy. Búgingi kúni úılestirý ortalyqtarynan kelip túsken shuǵyl habarlama negizinde jospardan tys 19 tekserýler júrgizildi. Tekseris qorytyndysy boıynsha 18 obektige 5 028 180 teńge kóleminde aıyppul salyndy, 18 uıǵarym berildi. Sonymen birge 13 obektiniń jumysyn toqtatý úshin ákimshilik sotqa materıal jiberildi», - dedi Muhtar Serbaev.
Aıta keteıik, qazirgi kezde barlyǵy 112 adam koronavırýs ınfektsııasynan em qabyldap jatyr. Onyń 24-i ınfektsııalyq statsıonarda jatyr.
«Ótken táýlikte 5 adamnan pnevmonııa anyqtaldy. Jalpy oblysta 61 adam statsıonarda em qabyldap jatyr. Onyń 49-y Aqtóbe qalasynda, ózgesi aýdandarda. Qazir 8 adam jansaqtaý bóliminde», - dedi Aqtóbe oblystyq densaýlyq saqtaý basqarmasy basshysynyń orynbasary Bekbolat Іzbasarov.
Aqtóbede mereke kúnderi reıd júrgiziledi. Oblystyq sanıtarlyq-epıdemıologııalyq baqylaý departamenti basshysynyń orynbasar Muhtar Serbaev óńir turǵyndaryn barynsha saq bolýǵa shaqyrdy.
«Búgingi tańda oblystaǵy epıdemıologııalyq jaǵdaı turaqty. Eger turǵyndar shekteý sharasyn saqtamaıtyn bolsa,bul epıdahýal kórsetkishi túbegeıli ózgerýi múmkin. Barshańyzdy betperde taǵýǵa, qoldy jıi jýyp, antıseptıkterdi paıdalanýǵa, áleýmettik araqashyqtyqty saqtaýǵa shaqyramyn. Osy oraıda oblys turǵyndaryna túrli merekelik is-sharalardy, toılar men otbasylyq is-sharalaryn ótkizýge tyıym salynǵanyn taǵy da esterińizge salamyz», - dedi M.Serbaev.
