Aqtóbede taǵy da stýdentter tóbelesi boldy
AQTÓBE. QazAqparat - Aqtóbede taǵy da stýdentter tóbelesip, bireýi pyshaq jaraqatymen aýyrhanaǵa tústi, dep habarlaıdy QazAqparat tilshisi.
Búgin saǵat 10:00-de Aqtóbe qalasyndaǵy jedel járdem aýrýhanasyna pyshaq jaraqatyn alǵan Q.Jubanov atyndaǵy AÓMÝ kolledjiniń 2 kýrs stýdenti jetkizildi.
«Aqtóbe qalalyq polıtsııa basqarmasynyń №1 polıtsııa bólimi QR QK-niń 24-3, 99-babynyń 2-bóligimen «Adam óltirýge oqtalý» boıynsha qylmystyq is tirkeldi. Atalǵan qylmysty jasady degen kúdikpen Q.Jubanov atyndaǵy Aqtóbe óńirlik memlekettik ýnıversıttiniń 2 kýrs stýdenti ustaldy. Qylmys quraly pyshaq tárkilendi. Tergeý áreketteri júrgizilýde», - dedi oblystyq PD baspasóz qyzmetiniń jetekshisi Erbolat Sarqulov.
Eske salsaq, 5 aqpan kúni stýdentter arasynda tóbeles boldy. Oqıǵa Q.Jubanov ýnıversıtetiniń jataqhanasynyń mańynda tirkelgen. Pyshaq jaraqatyn alǵan stýdentke ota jasalyp, aýrýhanada em qabyldap jatyr.
