Aqtóbede taǵy bir qarjylyq pıramıda tergeýge alyndy
AQTÓBE. QazAqparat - Aqtóbede «Garant 24 lombard» qarjylyq uıymy jumysyn toqtatty, dep habarlaıdy QazAqparat tilshisi.
Aqtóbede buǵan deıin eki qarjylyq uıymnyń salymshylary san soǵyp qalǵan bolatyn.
Búgin taǵy bir uıym - «Garant 24 lombard» JShS-ǵa qatysty shý shyqty. Aqtóbelikter JShS keńsesine baryp, aqshalaryn qaıtara almaı, dal boldy.
«Kelisimshart qolymyzda. Bas keńse Nur-Sultan qalasynda dep jazylǵan. Aqshany alyp, paıyzdyq ústemeaqymen qaıtaryp berýge ýáde etti. Keshe adamdar keste boıynsha salǵan aqshasynyń bir bóligin alýy tıis edi, bermegen. Biraq sol kezde de adamdardyń óz qarjysyn salǵanyn kórgen», - dedi turǵyndardyń biri.
Aıta keteıik, salymshylar keńsege kirgende polıtsııa shaqyrylǵan .
Aqtóbe qalalyq polıtsııa basqarmasy bastyǵynyń mindetin atqarýshy Zııadın Kúnbasovtyń aıtýynsha, «izdestirý, máseleniń mán-jaıyn anyqtaý jumysy júrip jatyr, tekserý bastaldy».
