Aqtóbede taǵy bir áıel kópqabatty úıden sekirip ketti

AQTÓBE. QazAqparat – Aqtóbe qalasyndaǵy Ábilqaıyr han dańǵyly boıynda ornalasqan kópqabatty úıdiń birinen 27 jastaǵy áıel sekirip ketti, dep habarlaıdy QazAqparat tilshisi.

«Ábilqaıyr han dańǵyly boıynda ornalasqan úıden 1996 jyly týǵan áıel sekirip ketti. Ol 8-qabattan sekirgen. Qazir sebebin anyqtaý jumysy júrip jatyr», - dedi oblystyq PD baspasóz qyzmetiniń jetekshisi Erbolat Sarqulov.

Buǵan deıin habarlaǵanymyzdaı, Aqtóbe qalasyndaǵy 25 qabatty úıdiń 18-shi qabatynan eki áıel sekirip ketti.

Onyń biri 31, ekinshisi 56 jasta. Oqıǵa 24 sáýir kúni saǵat 01:48 shamasynda bolǵan.

Patrýldik polıtsııa qyzmetkerleri úıge kirer esiktiń aldynan eki áıeldiń denesin tapty.

Qylmystyq kodekstiń «ózin-ózi óltirýge deıin jetkizý» baby boıynsha is qozǵalyp, tergeý júrip jatyr.