Aqtóbede taǵy bir aýylǵa gaz tartyldy
Belqopa – bıyl gaz qubyry tartylyp, qoldanysqa berilgen 15-shi aýyl. Buǵan deıin Alǵa aýdanynyń Erkin kúsh aýylyna kógildir otyn kirgizildi.
«Eń aldymen sizderdi Qazaqstan táýelsizdiginiń 30 jyldyǵymen qutyqtaımyn. Osy jyldardyń ishinde elimiz túrli qıyndyqtarǵa tap bolyp, ony tuńǵysh prezıdenttiń sarabdal saıasatynyń, halyqtyń eńbekqorlyǵy men birliginiń arqasynda eńsere aldy. Nátıjesinde búginde ondaǵan jyldar boıy kún tártibinde turǵan áleýmettik suraqtar sheshilip jatyr. Sonyń ishinde, Aqtóbe oblysynda bıyl aýyldardy gazdandyrý boıynsha úlken jumys júrgizilýde jáne ol jaryn da jalǵasatyn bolady»,- dedi Aqtóbe oblysynyń ákimi Ońdasyn Orazalın.
Belqopa aýylyn gazben qamtýǵa bıýdjetten 56 mln teńgeden astam qarajat bóldi. Toqsan úı men tórt áleýmettik nysan kógildir otynmen qamtylady.
Óńir basshysynyń jumys sapary Araltoǵaı aýyldyq okrýginiń Qııaqty aýylynda jalǵasty. Munda Ońdasyn Orazalın negizgi mekteptiń kúrdeli jóndeý jumysyn, sonymen qatar, jańa blokty-modýldi sý tazartý stansasyn qarap shyqty. Stansa bıyl qyrkúıek aıynda paıdalanýǵa berilgen. Sonyń arqasynda aýyl turǵyndary zalalsyzdandyrylǵan sý tutynyp otyr.
