Aqtóbede taǵy bir adamnan koronavırýs anyqtaldy
AQTÓBE. QazAqparat – Aqtóbede taǵy bir adamnan koronavırýs ınfektsııasy anyqtaldy. Naýqas «Aqtaý-Aqtóbe» reısimen ushyp kelgen, dep habarlaıdy QazAqparat tilshisi.
«Brıfıng bastalmas buryn aıta keteıin, taǵy bir adamnan koronavırýs anyqtalǵany belgili boldy. Naýqas Aqtaý qalasynan búgin ushyp keldi. Ushaqtan túsken boıda barlyǵy 18 adam oqshaýlanyp, analız alyndy. Naýqas ınfektsııalyq aýrýhanaǵa jatqyzylady. Ózge jolaýshylar tekserilip jatyr. Kóbiniń saraptama qorytyndysy teris. Vırýs juqtyrǵan adam Túrkııanyń Ystanbul qalasynan Aqtaýǵa, Aqtaýdan Aqtóbege kelgen. Shetelden keletinin bilgen soń biz ushaq jolaýshylaryn birden baqylaýǵa alyp, tekserdik «, - dedi osy ýaqytta onlaın-brıfıng ótkizip jatqan oblystyq Taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Nursulý Berkimbaeva.
Aıta keteıik, Aqtóbede 31 naýryzdan bastap birqatar shekteý qoıylady.
Koronavırýs anyqtalǵan alǵashqy naýqastyń jaǵdaıy birqalypty, eki aptadan soń qaıta analız alynady.
