Aqtóbede taǵy bir adam jedel járdem jetkenshe kóz jumdy
AQTÓBE. QazAqparat - Aqtóbede ózin nashar sezingen er adam avtobýs ishinde esinen tanyp qaldy. Jedel járdem shaqyrylǵanymen, ol jetkenshe 57 jastaǵy er adam kóz jumdy, dep habarlaıdy QazAqparat tilshisi.
«8 qarasha kúni Aqtóbe qalasy, Qarǵaly aýylyndaǵy «Sáke» meıramhanasy janynan shaqyrý tústi. Shaqyrý kezinde adamnyń es-túzsiz jatqany aıtyldy. Shaqyrý saǵat 07:56-da boldy. Saǵat 07:58-de jedel járdem jiberilip, olar shaqyrý ornyna 08:10-da bardy. Naýqas S. Kııashbaev jádel járdem brıgadasy jetkinshe kóz jumdy. Ólimniń sebebi belgisiz. Múrde polıtsııa qyzmetkerlerine berildi», - dep habarlady oblystyq densaýlyq saqtaý basqarmasynyń baspasóz qyzmeti.
Eske salsaq, qazan aıynda avtobýs ishinde ózin jaısyz sezingen jolaýshy kóz jumǵan bolatyn. Ol kezde de jedel járdem naýqastyń tek ólimin tirkegen edi.
