Aqtóbede taǵy bir aýyldyń adamdary evakýatsııalandy
AQTÓBE. KAZINFORM - Muǵaljar aýdany Jaǵabulaq aýylynan 74 adam evakýatsııalandy.
Aqtóbe oblysy boıynsha túnde jańbyr jaýyp, sý deńgeıi kóterildi. Saldarynan Muǵaljar aýdany Jaǵabulaq aýylynda Jem ózeni kóterildi.
- Sý deńgeıi kóterilgen soń qaýip týyndady. Barlyǵy 74 adam, onyń ishinde 30 bala evakýatsııalandy. Olardy munaı kompanııasynyń vahtalyq qalashyǵyna ornalastyrdy. Medıtsınalyq kómek qajet bolmady. Aýylda eki aýlany sý basty, - dep habarlady Aqtóbe oblysy ákiminiń baspasóz qyzmeti.
Aıta keteıik, aýylda barlyǵy 1 300-den astam adam turady.
Eske salsaq, keshe túnde Shalqar aýdanynyń Búırektóbe aýylynyń turǵyndary evakýatsııalandy.
