Aqtóbede tabylǵan «altyn» adam órkenıettiń joǵary satysyn kórsetedi -ákim

AQTÓBE. QazAqparat - Oblys ákimi Ońdasyn Orazalın Aqtóbede tabylǵan «altyn» adamǵa qatysty pikir bildirdi, dep habarlaıdy QazAqparat tilshisi.

«Kezekti «altyn kıimdi kóne eskertkish» - Aqtóbe óńiriniń ǵana emes, bútin qazaq eliniń tarıhynda erekshe oryn «alatyn» adam tarıhı qundylyq. Keshegi Esik qalasynan, Shyǵys pen Atyraýdan tabylǵan kóne eskertkishterdiń jalǵasy búgin Aqtóbe jerinen de kórinis berdi. Bul degenimiz sol zamanda qazaq jerin mekendegen babalarymyz órkenıettiń joǵary satysynda ómir súrgendigin kórsetedi. Bul qoınaýy qutty, tarıhy tereńde jatqan Aqtóbe óńirinen tabylǵan qundylyqtardyń bastamasy ǵana dep bilemin. Mundaı tarıhı jádigerler áli de kóptep tabylyp, dúnıe júziniń aldynda Qazaq eliniń mártebesin kóteredi dep senemin», - dep jazdy Ońdasyn Orazalın áleýmettik jelidegi paraqshasyna.

Aıta keteıik, buǵan deıin Temir aýdanynyń Tasqopa aýylynan altyn buıymdarymen jerlengen adam tabylǵany týraly jazǵan bolatynbyz.