Aqtóbede tabylǵan «Altyn adam» Almatyǵa jiberildi

AQTÓBE. QazAqparat - «Altyn adam» Almatyǵa zertteý jumystaryn júrgizýge jiberildi, dep habarlaıdy QazAqparat tilshisi.

«Altyn adam» boıynsha kelesi aptada baspasóz máslıhaty uıymdastyrylady. Temir aýdanynda qazba jumystaryn júrgizgen arheologtar qazir Ústúrtke ketip qalǵan bolatyn. Ol jaqta arheologtardyń ekinshi nysany bar. Almatydaǵy Á.Marǵulan arheologııalyq ınstıtýtynyń dırektory B.Ábishulynyń ózi kelip, qundy jádiger týraly aıtyp beredi. Qazir Almatyda zerttelip jatyr«, - dep habarlady oblystyq tarıhı-ólketaný mýzeıiniń baspasóz qyzmeti.Eske salsaq, Tasqopa aýylynda »Altyn adam« tabyldy. Qorymnyń erterekte tonalǵanyna qaramastan arheologtar muny sensatsııalyq jańalyqqa balady.