Aqtóbede tabıǵı resýrstar jáne tabıǵatty paıdalanýdy retteý basqarmasynyń basshysy taǵaıyndaldy
AQTÓBE. KAZINROFM – Aqtóbe oblystyq tabıǵı resýrstar jáne tabıǵatty paıdalanýdy retteý basqarmasy basshysy qyzmetine Isataı Espaǵanbetov taǵaıyndaldy.
Aqtóbe oblysynda taǵy da kadrlyq-aýys túıis boldy. Tabıǵı resýrstar jáne tabıǵatty paıdalanýdy retteý basqarmasynda Isataı Espaǵanbetov keldi.
Ol joǵary bilimdi. 2004 jyly Q.Jubanov atyndaǵy Aqtóbe memlekettik ýnıversıtetin, 2025 jyly Jáńgir han atyndaǵy Batys Qazaqstan agrarlyq-tehnıkalyq ýnıversıtetin támamdaǵan.
Eńbek jolyn 2006 jyly Mártók aýdandyq ekonomıka jáne bıýdjettik josparlaý bóliminiń jetekshi mamany bolyp bastaǵan.
— 2008-2010 jyldary aralyǵynda Mártók aýdandyq sáýlet jáne qala qurylysy bóliminiń bas mamany, 2010-2021 jyldary aralyǵynda Mártók aýdany Baıtorysaı aýyldyq okrýginiń ákimi, Mártók aýdandyq jer qatynastary bóliminiń basshysy, Mártók aýyldyq okrýgi ákimi, Mártók aýdany ákiminiń orynbasary qyzmetterin atqarǵan. 2021-2023 jyldary aralyǵynda Aqtóbe oblysynyń aýyl sharýashylyǵy basqarmasynyń basshysy bolyp qyzmet etti, - dep habarlady Aqtóbe oblysy ákiminiń baspasóz qyzmeti.
Eske salsaq, buǵan deıin Aqtóbe oblystyq dene shynyqtyrý jáne sport basqarmasynyń basshysy qyzmetine Meırambek Mahambetov taǵaıyndaldy. Ol bul qyzmetke ekinshi ret kelip tur.