Aqtóbede syrǵanaq tepken bala kólik astyna túsip, mert boldy
AQTÓBE. QazAqparat - Syrǵanaqqa barǵan bala júk kóliginiń astyna túsip, qaza tapty, dep habarlaıdy QazAqparat tilshisi.
«Aqtóbe oblysynyń Temir aýdanynda jol-kólik oqıǵasy boldy. Bas jasar bala shamamen saǵat 11:00-de úıiniń janynda tóbeden tómen qaraı syrǵanap júrgen. Ol ańdaýsyzda kóshede ótip bara jatqan «KamAZ» avtokóliginiń, ıaǵnı, assenızatordyń dońǵalaǵynyń astyna túsip ketti», - dep habarlady oblystyq PD baspasóz qyzmetiniń jetekshisi Erbolat Sarqulov.
Aıta keteıik, osy oqıǵaǵa qatysty Qylmystyq kodekstiń 345-baby 3-tarmaǵy boıynsha sotqa deıingi tergeý bastaldy.
