Aqtóbede sybaılas jemqorlyqqa qatysty 99 is tirkeldi
Bıyl óńirde Ákimshilik quqyq buzýshylyq kodekstiń «Jeke tulǵalardyń zańsyz materıaldyq syıaqy berýi» baby boıynsha 5 adam ákimshilik jaýapkershilikke tartyldy. Olarǵa barlyǵy 2,5 mıllıon teńgeden astam aıyppul salyndy. ıAǵnı, jaýapkershilikke tartylǵan árbir adam 200 AEK kóleminde aıyppul tóledi.
«Probatsııalyq baqylaýda júrgen 4 aqtóbelik ınspektordyń uıaly telefonyna birlik salyp jibergen. Bir adam jol-patrýldik polıtsııa qyzmetkerine zańsyz syıaqy bergen. Sonymen qatar, paraqorlyq faktileri jiktemesinde QR QK-niń 367-baby, ıaǵnı, «Para berý» boıynsha 3 qylmystyq is tirkelgen, onyń bireýi aıaqtaldy. Ekeýi ókinip, óz qatelikterin túsindi. Para bergen kásipkerlerler isi toqtatyldy. Máselen, 2019 jyly Muǵaljar aýdandyq bilim bóliminiń basshysy Sháripov pen kadr jónindegi sektor meńgerýshisi Baıtaqov naýryz aıynda dırektorlardan 15 myń teńge suraǵan. Sebebin «300 myń teńge aqshany oblystyq ishki aýdıt departamentine berýge» dep túsindirgen. Іsine ókingen soń qylmystyq is toqtatyldy», - dedi Sybaılas jemqorlyqqa qarsy is-qımyl agenttiginiń oblystyq departamentiniń basshysy Mırlan Muhambetov.
Bıyl barlyǵy 99 qylmystyq is tirkelse, onyń 50 paıyzy aýyr sanatqa jatady. Qarjy jymqyrý, memleket qarjysyn talan-tarajǵa salý deregi boıynsha 30 is, qylmystyq ókilettiligin asyra paıdalanýda 38 is, para alýda 24 qylmystyq is bar. Osy jyly barlyǵy 112 qylmystyq is sotqa jiberildi. Keıbir is ótken jyldan bastap tergelgen bolatyn.
«Taıaýda Shalqar aýdanynda temirjol salasynyń basshysy 1,2 mıllıon teńge para alýmen ustaldy. Tergeý talaptaryna saı ózge aqparat qupııa saqtalady», - dedi sybaılas jemqorlyqqa qarsy is-qımyl agenttiniń oblystyq departament basshysy Mırlan Muhambetov.
Shaǵyn jáne orta bıznes qyzmetine zańsyz aralasýda 14 derek tirkeldi. Oblystyq basqarmalarda 6 adam, aýdandyq bólimderde 5 adam, quqyq qorǵaý salasynda 45 qylmystyq is, áleýmettik qamsyzdandyrýda 3 is, memlekettik satyp alýda 7, memlekettik kirister bóliminde 2, bilimde 4, aýyl sharýashylyǵynda 1, turǵyn úı-kommýnaldyq sharýashylyǵynda 3 qylmystyq is bar. Sonymen qatar memlekettik baǵdarlamalardy oryndaýda 6 qylmystyq is tirkeldi. Jyl basynan beri 44,3 mıllıon teńge shyǵyn kelse, onyń 23,8 mıllıon teńgesi memleket paıdasyna óndirildi. Al 47,9 mıllıon teńge ýaqytsha buǵattaldy.
