Aqtóbede suıytylǵan gaz tapshy
Aqtóbe oblysynda bıyl suıytylǵan gaz baǵasy lıtrine 50 teńge bolyp saqtalady. Alaıda qazir gaz tapshyǵyly sezile bastady.
«Qazirgi tańda Aqtóbe oblysynda suıytylǵan gazǵa suranys 13 500 tonnany quraıdy. Energetıka mınıstrligi qyrkúıek aıyna tek 10 500 tonna suıytylǵan munaı gazyn bóldi. Energetıka mınıstrliginiń aqparatyna súıensek, «SNPS – Aqtóbemunaıgaz» AQ men Atyraýdaǵy gaz óndiretin zaýyttarda kezekti jóndeý jumysy bastalǵan. Sondyqtan gaz bólýde shektaý bar», - dedi oblystyq energetıka jáne TÚKSh basqarmasynyń basshysy Erjan Muzdybaev.
Qajettilikti óteý úshin birneshe joly qarastyrylǵan. Birinshiden, TShO kompanııasymen kelisimshart jasalyp, 620 tonna alý josparlandy. Ekinshiden, «QazaqOıl - Aqtóbe» kompanııasymen birlesip, qosymsha 355 tonna gaz alyp otyr. Barlyǵy 11 505 tonnany quraıdy.
«QazaqOıl - Aqtóbe» kompanııasy óndiretin 700 tonna suıytylǵan gazdyń jartysyn Qyzylorda alyp otyr. Zaýyt bizde, bizge jetpeı jatyr. Bul ýáj aıtyldy. Biraq Energetıka mınıstrligi elimizdiń basqa da oblystaryna bólýdi jón kórip otyr. Búgingi tańda aıdyń basynda tapshylyq bolady. Zaýyttarmen kelisimshart jasaý ýaqyt alatyn jumys. Sonymen birge mınıstrlikke usynys aıtyp, aıdyń sońynda taǵy 1 myń tonna alýdy josparlap otyrmyz», - dedi Erjan Muzdybaev.
Foto: images.bfmtv.com
