Aqtóbede suıytylǵan gazǵa kezek kóbeıdi
AQTÓBE. KAZINFORM — QR Energetıka mınıstrligi bólgen suıytylǵan gaz kólemi shilde aıynda azdyq etti. Aqtóbege taǵy 1 221 tonnasy bólindi.
Aqtóbe qalasynda, sonymen birge aýdandarǵa baǵyttalǵan joldarda gaz tapshylyǵy sezile bastady. Sonymen birge keıbir avtogaz quıý beketteri tek talon arqyly satýdy jón kórip otyr.
Sebebi QR Energetıka mınıstrligi shilde aıyna 11 299 tonna gaz bólgenimen, bul Aqtóbe úshin jetkiliksiz.
— Josparly suıytylǵan gazdyń 11 210 tonnasy (negizgi kólemniń 99%) jóneltildi. Osy aıda avtogaz quıý beketterindegi tapshylyqty boldyrmaý maqsatynda qosymsha gaz bólý máselesi pysyqtaldy. Nátıjesinde shilde aıyna «SNPS Aqtóbemunaıgaz» AQ zaýytynan qosymsha 1221 tonna gaz bólindi. Qazirgi tańda 34 vagon jetkizilý barysynda. Búgingi kúni zaýyttardan jóneltý shtattyq rejımde júzege asyrylyp jatyr, — dep habarlady Aqtóbe oblystyq kásipkerlik basqarmasy.
Eske salsaq, Energetıka mınıstrligi suıytylǵan gaz baǵasyn 1 tamyzdan bastap ózgertýdi usyndy. Bul týraly «Ashyq NQA» portalynda jarııalandy.