Aqtóbede suıytylǵan gaz tapshy
AQTÓBE. KAZINFORM — Bul birneshe kúnnen beri jalǵasyp keledi. Keıbir gaz quıý beketteri tek talon arqyly qyzmet kórsetse, keıbirinde múlde joq.
Aqtóbelik júrgizýshiler gaz úshin kezekke turady. Mundaı jaǵdaı tek qalada emes, aýdan ortalyqtatynda da baıqaldy.
Energetıka mınıstrligi jeltoqsan aıyna 13 080 tonna suıytylǵan munaı gazyn bóldi. 1–20 jeltoqsan aralyǵynda onyń 8 328 tonnasy, ıaǵnı 64% jetkizildi.
— Búgin jergilikti zaýyttardan kólemi 344 tonna suıytylǵan gaz («Qazaqoıl Aqtóbe» JShS — 113 tonna, «SNPS-Aqtóbemunaıgaz» AQ — 113 tn, «Gas Processing» JShS — 118 tn) jóneltildi. Avtogaz quıý beketterindegi tapshylyqtyń aldyn alý maqsatynda qosymsha gaz bólý kelisimi jasaldy. Jeltoqsan aıyna «SNPS-Aqtóbemunaıgaz» AQ, «Gas Processing» JShS zaýyttarynan taǵy 1164 tonna gaz bólindi, — dedi Aqtóbe oblysy ákiminiń baspasóz qyzmeti.
Aıta keteıik, óńirdegi gaz tapshylyǵy máselesi birneshe aıǵa sozylyp keledi. Jazda jáne kúzde suıytylǵan gaz talon arqyly satyldy.