Aqtóbede sýshı jetkizý ornynyń aspazdarynan stafılokokk anyqtaldy

AQTÓBE. KAZINFORM — Oblystyq sanıtarııalyq-epıdemıologııalyq baqylaý departamenti tekserýden soń qorytyndy shyǵardy. Taǵamnan ishek taıaqshalary, aspazdardan patogendi stafılokokk anyqtaldy. 

Sýshı jep ýlanǵan aqtóbelikter tamyz aıynda aýrýhanada em qabyldady. Aqtóbe oblystyq sanıtarııalyq-epıdemıologııalyq baqylaý departamentine barlyǵy 8 adamnyń túskenin týraly habarlanǵan.

— Naýqastar tutynǵan taǵamdardy daıyndaǵan jáne jetkizgen qyzmet kórsetý ornyna tekserý júrgizildi. Nátıjesinde daıyn taǵamnan patogendi stafılokokk, shıki taýyq etinen ishek taıaqshalar tobynyń bakterııalary, aspazdan patogendi stafılokokk anyqtaldy. Shaıyndydan da stafılokokk, ishek taıaqshalary tabyldy. Úsh aspaz ınfektsııa kózi bolyp tur, — dedi Aqtóbe oblystyq sanıtarııalyq-epıdemıologııalyq baqylaý departamenti basshysynyń orynbasary Indıra Aıaǵanova.

Eske salsaq, tamyz aıynda oblystyq klınıkalyq ınfektsııalyq aýrýhanasyna 8 adam tústi. Olardyń tek altaýy ǵana aýrýhanada jatyp, em qabyldaǵan. Aýrýhanaǵa jatqan 6 adamnyń ekeýi bala.  Keıin sýshı jetkizý ornynyń 8 jumysshysy jumystan shettetildi. Epıdemıolog mamandar birneshe synama aldy.