Aqtóbede sýmen jáne gazben qamtý kórsetkishi 90 paıyzdan asty
Aqtóbe oblysynyń ákimi Ońdasyn Orazalın Ortalyq kommýnıkatsııalar alańynda toǵyz aıdyń qorytyndysyn jasady. Prezıdenttiń ekonomıkalyq ósimdi qamtamasyz etý jáne halyqtyń ál-aýqatyn jaqsartý tapsyrmalarynyń oryndalýy jóninde baıandady. Óńirdegi pandemııa men shekteý sharalaryna qaramastan barlyq negizgi áleýmettik-ekonomıkalyq kórsetkishterdiń qarqyndy ósimi qamtamasyz etilgen. Ónerkásip kólemi 100,1%, ınvestıtsııa – 108,8%, aýyl sharýashylyǵy – 104,1%, qurylys – 116,4%, turǵyn úılerdiń paıdalanýǵa berýilýi - 103,6%.
Oblys ekonomıkasyna 410 mlrd. teńge ınvestıtsııa tartyldy, onyń 19,5%-yn sheteldik ınvestıtsııalar qurady.
«Qazirgi tańda turǵyndardyń 95,8 paıyzy ortalyqtandyrylǵan aýyz sýmen qamtyldy. Aldaǵy 2-3 jylda bul másele tutastaı sheshiledi. 2023 jyly barlyq aýyl sapaly aýyz sýmen qamtamasyz etiledi dep aıtýǵa bolady. Gaz máselesine keler bolsaq, Aqtóbe munaıly óńir. Іlespe gazy bar. Halyq qaıtkende de gaz jetkizip, kógildir otyn tutynýdy armandaıdy. Jyl sońyna deıin turǵyndardy gazben qamtý 91,3 paıyzǵa jetkiziledi. Negizi 323 eldimekenniń 200-ge jýyǵynda adam sany 200 adamǵa jetpeıdi. Bárine gaz jetkizý qarjyǵy kelip tireletin sharýa. Keler jyly 8 jobaǵa 2,4 mıllıard teńge qarjy bólinip, kelisildi. Sóıtip kórsetkish 91,8 paıyzǵa jetýi múmkin», - dedi Aqtóbe oblysynyń ákimi Ońdasyn Orazalın.
