Aqtóbede sýǵa túsip, iz-túzsiz ketken áıel izdestirilip jatyr
AQTÓBE. QazAqparat - Aqtóbe sý qoımasyna shomylýǵa túsken áıeldi izdep jatqan týǵan-týystary joq. Alaıda súńgýirler kesheden beri ózen astyn sharlap júr, dep habarlaıdy QazAqparat tilshisi.
Aqtóbe oblystyq tótenshe jaǵdaılar departamentine habar keshe saǵat 18:02-de tústi. Sodan beri qutqarýshylar sý astynda izdeý jumysyn júrgizip jatyr. Ázirge nátıje joq.
«Oqıǵa sý qoımasyndaǵy Іnjý jáne Alaý demalys ornynyń ortasynda bolǵan. Qala turǵyny áıeldiń kıimsheń sýǵa túskenin, biraq qaıta shyqpaǵanyn habarlady. Qazir izdeý jumystary jalǵasyp jatyr. Ázirge týǵan-týystary izdep jatqan joq. Sondyqtan áıeldiń kim ekenin anyqtaý múmkin bolmaı tur» dep habarlady oblystyq TJD baspasóz qyzmeti.
