Aqtóbede sýǵa toly aryqta batyp bara jatqan qyzdy birneshe er adam qutqardy

AQTÓBE. QazAqparat - Búgin Aqtóbede «Batys-2» shaǵyn aýdanynda erigen qar sýyna toly aryqta qyz batyp kete jazdady, dep habarlaıdy QazAqparat tilshisi.

Búgin «Arbat» turǵyn úı kesheniniń mańyndaǵy «Batys-2» shaǵyn aýdanynda kámeletke tolmaǵan qyz sý toly aryqtardyń birine qulap ketken. Sol mańaıdan ótip bara jatqan birneshe er adam balany qutqaryp qalǵan. Vıdeoda qolyn sýdan shyǵaryp jatqan qyzǵa jol-jónekeı ótip bara jatqan áıeldiń qalaı kómek suraǵany kórinedi. Sýǵa qulap ketken qyz qubyrǵa kirip ketýge shaq qalǵan. Jedel jetken er adamdar oǵan der kezinde kómekke kelip, ony áreń shyǵaryp alǵan, shamasy qyz qubyrǵa ilinip qalǵan kórinedi.

Jergilikti No63 mekteptiń ustazdary búgin keshkisin oqýshylaryn mektepke rezeńke etikpen, ata-anasynyń ertip nemese kólikpen kelýin eskertti. Keıbir ata-analar qazirdiń ózinde sý tasqynynan balalaryn mektepke jalǵyz jiberýge qorqady.