Aqtóbede sýǵa ketkender sany azaıdy
AQTÓBE. QazAqparat - Aqtóbe oblysynda sýdan zardap shekkenderdiń sany azaıdy. Bul týraly Óńirlik kommýnıkatsııalarqyzmetinde ótken baspasóz konferentsııasy barysynda Aqtóbe oblysynyń tótenshe jaǵdaılar departamenti basshysynyń orynbasary Qaırat Qasym aıtty, dep habarlaıdy QazAqparat.
Onyń aıtýyna qaraǵanda, oblystaǵy sýǵa túsý maýsymy resmı túrde 1 qyrkúıekten bastap jabyldy. Buǵan qaramastan, tótenshe jaǵdaılar departamenti men jergilikti polıtsııa qyzmetkerleri birlesip reıdtik issharalar júrgizýdi jalǵastyrýda.
«2017 jyly óńirde erikti qutqarýshylar kezekshilik etetin kommýnaldyq jaǵajaılar ashyldy. Sý astyn tekserip, sý baldyrlarynan tazarta otyryp, qaýipsiz aımaqtardy anyqtaý, jáne ony eresekter men balalar ýchaskilerine bólý týraly sharalarqabyldandy. Bul sýda ólim-jitim jaǵdaıyn aıtarlyqtaı tómendetýge múmkindik berdi», - dedi Qaırat Qasym.
Jalpy alǵanda, shomylý maýsymy kezinde oblys aýmaǵynda 56 jaǵajaı jumys istedi, onyń ishinde 12 kommertsııalyq, 44 kommýnaldyq. Qutqarý beketteriniń jaýapkershiligine berilgen aımaqtarda barlyqsanattaǵy halyq úshin kirý tegin bolǵan 2 vedomstvolyq jaǵajaı jumys jasady.
«Bıyl oblysymyzda 15 adamnyń ólimine alyp kelgen, 15 qaıǵyly jaǵdaı tirkelse, onyńishinde 4 bala qaza tapty. Aqtóbe qalasynda - 7 oqıǵa, Yrǵyzda - 3, Temirde - 2, Qarǵaly, Muǵaljar jáne Oıyl aýdandarynda 1 oqıǵadan oryn aldy. Ótken jylmen salystyrǵanda kórsetkish 31,8% tómendegeni baıqalady. Adam ólimi tek ruqsat etilmegen jerlerde ǵana emes, sondaı aq ózderiniń obektilik qutqarýshylary bar jeke jaǵajaılarda da orynaldy. Bul jerde oryn alǵan oqıǵalarǵa jaldamaly qutqarýshylarmen qatar qazatapqandardyń da kinási bar. Qutqarýshylar óz qyzmetin jetkilikti dárejedeoryndamaǵan jáne ózderiniń talaptaryn tıisti dárejede jetkize almaǵan, aldemalýshylar qaýipsizdik erejelerin saqtamaǵan», - dep atap ótti TJD basshysynyńorynbasary.
Profılaktıkalyq is-sharalar barysynda sý aıdyndarynda qaýipsizdik erejelerin buzǵany úshin 12 jeke jaǵajaıdyń ákimshilik ıeleri men demalýshylary da jaýapkershilikke tartyldy.
