Aqtóbede sýǵa ketken qyzdyń denesi bir kúnnen soń tabyldy
AQTÓBE. QazAqparat - Aqtóbedegi Elek ózeninen 24 jastaǵy qyzdyń múrdesi tabyldy. Qutqarýshylar túnde eki saǵat, búgin 4 saǵat boıy izdedi, dep habarlaıdy QazAqparat tilshisi.
«Keshe jergilikti saǵat 22:00-de Elek ózeniniń sýǵa túsýge bolmaıtyn aýmaǵynda 24 jastaǵy qyzdyń sýǵa ketkeni týraly aqparat tústi. Eski kópir mańynda úsh adam qydyryp, ishimdik ishken. Keıin qyz sýǵa ketip qalyp, qutqarýshylarǵa keshke habar kelip tústi. Qarańǵyda 2 saǵat izdep, keıin jumysty toqtatýǵa týra keldi. Tańerteń 6:30-da izdeý jumystaryn jalǵastyryp, máıit 10:55-te tabyldy. Súńgýirler qyzdyń denesin 2 metr tereńdikten, ózderi demalǵan aýmaqtan 20 metr qashyqtyqtan tapty»,- deıdi sýdan qutqarý qyzmetiniń baspasóz qyzmeti.
