Aqtóbede sýǵa batyp bara jatqan balany qutqarǵan eki bozbala marapattaldy
AQTÓBE. QazAqparat – Aqtóbede balany sýdan alyp shyǵyp, ómirin saqtap qalǵan eki bozbala marapattaldy, dep habarlaıdy QazAqparat tilshisi.
5 jastaǵy balany sýdan qutqaryp qalǵan bozbalalarǵa tótenshe jaǵdaılar mınıstri ıÝrıı Ilınniń buıryǵymen «Sýǵa batqandardy qutqarǵany úshin» medali berildi.
«Jasóspirimder abdyrap qalmaı, shuǵyl ári batyr qadam jasady. Sol úshin de aldymen departament tarapynan alǵys hat berip, keıin mınıstrlikke hat joldadyq. Usynysymyz qoldaý taýyp, mınıstr «Sýǵa batqandardy qutqarǵany úshin» medalin jiberdi. Ári olardy mektep, kolledj bitirgen soń Azamattyq qorǵaý akademııasyna oqýǵa túsýge shaqyrdyq», - dedi oblystyq TJD bastyǵynyń orynbasary Asqar Tóleshev.
Eske salsaq, Serik Aı̆bar 28 mamyr kúni Qarǵaly ózeniniń jaǵasynda serýendep júrip, batyp bara jatqan balany baıqaǵan. Ol birden sýǵa túsip, jaǵaǵa balany alyp shyqty. Sol kezde Bımyrza Manasov ta kómekke júgirdi. Jasandy tynys alýǵa kómektesip, júregine massaj jasady. Qazirgi ýaqytta balanyń jaǵdaıy jaqsy.
