Aqtóbede sýda júzýden el birinshiligi ótip jatyr
AQTÓBE. QazAqparat – Aqtóbede sýda júzýden QR chempıonaty ótip jatyr. Oǵan 200-ge jýyq sportshy qatysýda, dep habarlaıdy QazAqparat tilshisi.
Aqtóbede 14-17 sáýir kúnderi aralyǵynda júzýden QR chempıonaty ótedi. Birinshilikke elimizdiń barlyq oblysymen qatar Nur-Sultan, Almaty, Shymkent qalalary jáne Qyrǵyzstan eliniń qurama komandalary qatysyp jatyr. Barlyǵy 17 komanda, 187 sportshy. Onyń ishinde 122 er, 65 áıel. «Dodada Olımpıada chempıony Dmıtrıı Balandın, sonymen birge Ádilbek Mýsın, Aleksandr Barakın de baq synaıdy.
«Bul HHHІІ jazǵy Olımpıada oıyndaryna qatysý úshin irikteý normatıvterin oryndaý bolyp tabylady. Birinshilikke qatysý úshin Aqtóbe oblysynan 20 sportshy irikteldi. Jarys barlyq sanıtarlyq talaptarǵa saı kórermensiz, jabyq rejımde uıymdastyryldy», - dedi oblystyq dene shynyqtyrý jáne sport basqarmasynyń baspasóz qyzmetkeri Erlan Muqan.
