Aqtóbede sýarmaly eginshilikti damytý úshin Or ózeninde salynǵan bógetti jóndeıdi
AQTÓBE. QazAqparat - 1700 gektar sýarmaly jerdi aınalymǵa engizý úshin Or ózenindegi bógetti qaıta jóndeý jumystary josparlanýda. Oblys ákimi Berdibek Saparbaev Hromtaý aýdanynyń sharýa qojalyqtaryna sapary barysynda dál osyndaı tapsyrma berdi, dep habarlaıdy QazAqparat tilshisi.
Ákim Hromtaý aýdanynyń óńirdegi «Jantizer» iri mal sharýashylyǵy qojalyǵyna baryp qaıtty. Mundaǵy 20 259 gektardy quraıtyn alqap jemshóptik daqyldar men jaıylymǵa arnalǵan. Alaıda sharýashylyqtyń sýarmaly eginshilikpen de aınalysýǵa múmkindigi bar. Ol úshin Or ózenindegi bógetti qaıta jóndeý qajettiligi týyndap otyr.
Oblys ákimi atalmysh jobany iske qosý úshin qarjy qarastyrýǵa tapsyrma berdi.
Búginde sharýashylyq et baǵytyndaǵy mal sharýashylyǵyn belsendi túrde damytyp otyr. Osy maqsatta 2011 jyldan beri «Sybaǵa» baǵdarlamasyna qatysyp keledi. «Jantizer» sharýa qojalyǵynda 2000-ǵa jýyq iri qara mal basy, asyl tuqymdy jylqylardyń birneshe tabyny, otar qoılar, 60-tan astam túıeler bar. Sharýashylyqqa soǵym tsehi, 2 myń mal basyna arnalǵan mal bordaqylaý kesheni tıesili. Et Aqtóbe men Hromtaýdyń bazarlaryna jetkiziledi. Keleshekte etti Reseıge eksporttaý josparlanǵan.
Aqtóbe oblysynyń ákimi Berdibek Saparbaev óńirdiń ózge de aýdandarynda qyzmettik is-saparmen bolyp qaıtty. Abaı aýylyndaǵy medıtsınalyq nysannyń qurylysymen, Don aýylyndaǵy mekteptiń jaı-kúıimen tanysty. Sondaı-aq, Hromtaý qalasynda «Gornıak» stadıonynda qaıta júrgizilip jatqan qurylysty baqylap qaıtty.
