Aqtóbede sý tasqynyna qarsy shtab jumysyn bastady
AQTÓBE. QazAqparat - Aqtóbe qalasynda sý tasqynyna qarsy shtab jumysyn bastady, dep habarlaıdy QazAqparat tilshisi.
Aqtóbe qalasy boıynsha eki qar polıgony jumys istep tur. Búginge deıin 200 myń tekshe metrden astam qar jınalyp, shyǵaryldy. Qazir jeke turǵyn úı sektorlaryndaǵy qar kúrelip, tasymaldanyp jatyr.
«Sý tasqynyna qarsy shtab jumysqa kiristi. Baılanys telefondary: 57-17-22, 57-17-99. Bir eskere keterlik jaıt, sý tasqynyna qarsy komıssııa tekserip, sheshim shyǵarǵan soń ǵana sý sorý, qum tóseý jumysy júrgiziledi», - dep habarlady oblystyq TJD baspasóz qyzmetinen.
Aıta keteıik, búgin burqasyn saldarynan Pokrovka-Embi, Sazdy-Shubarqudyq, Embi-Shalqar baǵytyndaǵy joldar jabyldy. Jeldiń jyldamdyǵy 23 m/sek jetti.
