Aqtóbede sý tasqyny saldarynan 300-ge jýyq adam qaýipsiz jerge kóshirildi
ASTANA. QazAqparat - Aqtóbede Іlek ózeninde sý deńgeıi kóterilip, «Gossvetset», «Qarǵaly» jáne «Aqsýat» baqsha ujymynyń aýlasyn jáne saıajaıdy sý basty, dep habarlady «QazAqparat» HAA tilshisi.
QR ІІM TJK resmı ókili Rýslan Imanqulov habarlaǵandaı, 300-ge jýyq adam evakýatsııalandy. Eki mektepte 23 evakýatsııalyq pýnkt quryldy. Onda 53 adam bar, 12-si bala. 248 adam týystarynyń úıine jetkizildi.
«Aýlalardy aralaý jumystary júrgizilýde. Іlek ózeniniń eki jaǵasynda da habarlandyrý toby jumys isteýde. Qoǵamdyq tártip kúzeti uıymdastyryldy. Áleýmettik jeli, televıdenıe arqyly habarlanyp, sms-habarlama jiberilýde, baqylaý posttary qoıyldy», - dedi Imanqulov.
Sý tasqynyn joıýǵa UG, Jergilikti polıtsııa qyzmeti jáne jergilikti atqarýshy organdardan 500-den astam adam jumyldyryldy.
