Aqtóbede sý tasqynyna qarsy shtab quryldy
AQTÓBE. KAZINFORM — Aqtóbede sý tasqynyna qarsy shtab qurylyp, úzdiksiz jumys rejımi engizildi.
Aqtóbe qalasynda qazirgi kezde sý tasqynynyń aldyn alý jónindegi shtab jumysyn bastady. Qar shyǵarý jumysy áli de jalǵasyp jatyr.
Jumys 24/7 rejıminde júrgiziledi. Qalanyń ár bóliginde erigen qar sýyn tógýge arnalǵan arnaıy ýchaskeler bar.
Sý tasqynyna qarsy shtabtyń baılanys nómirleri:
+ 7132-41-09-27
+ 7132-41-15-29
+ 7 (708-51) 1-71-95
+ 7 (700-73) 0-60-96
Sondaı-aq 109 nómirine qońyraý shalý kerek. Sý aıdaý nemese ınertti materıaldardy jetkizý habarlamasyn komıssııasy tekserip, sodan keıin ǵana kómek beriledi. Kópqabatty úılerdiń aýla aýmaǵynyń jaı-kúıine úılerge qyzmet kórsetetin mekemeler jaýapty, — dep habarlady Aqtóbe qalasy ákiminiń baspasóz qyzmeti.
Eske salsaq, Aqtóbe qalasynda qar shyǵarý, kóktemde sý sorý jumystaryna dep 400 mln teńge bólingen.
