Aqtóbede sý tasqyny qaýpi bar aımaqtarda qaýipsizdik sharalary kúsheıtildi
ASTANA. KAZINFORM – Aqtóbe oblysynda 2026 jylǵy sý tasqyny maýsymyna daıyndyq jalǵasyp jatyr. Bul týraly TJM baspasóz qyzmeti habarlady.
Óńirde sý tasqynyna qarsy is-sharalar barysyna aýqymdy monıtorıng jalǵasyp jatyr. TJM Azamattyq qorǵanys jáne áskerı bólimder komıteti tóraǵasynyń orynbasary Alekseı Sergeevıch Aqtóbe oblysy TJD-men birlesip sý tasqyny qaýipti aýdandarǵa baryp, ınjenerlik nysandardyń daıyndyǵyn jáne jergilikti jerlerde jumystardyń oryndalýyn baǵalady.
Búgingi kúni óńirde kelesi kólemde ınjenerlik jumystar atqaryldy: ózen arnalaryn jaǵalaýyn bekitý, tereńdetý jáne tazartý – 4 shyqyrym, qorǵanys dambalary men bógetterin salý – 23 shaqyrym, qorǵanys dambalary men bógetterin jóndeý – 20,6 shaqyrym, nóserli káriz júıesin salý – 9 shaqyrym, sý burý arnalarynyń qurylysy – 8 shaqyrym, aryqtar men kanaldardy tazartý – 245 shaqyrym, aryqtardy qazý – 7 shaqyrym, 89 sý ótkizý qubyrlary men qurylystary ornatylyp, jóndeldi.
Aıta ketelik Batys Qazaqstanda birneshe ózenniń arnasy keńeıtilgen edi.