Qazaqstandyq sheber Olımpıada chempıony Smetovtiń sýretin qaǵazdan qıyp saldy
PARIJ. KAZINFORM – Qazaqstandyq sheber Ásel Sabyrjanqyzy tek qana qaǵaz ben qaıshyny paıdalanyp, Olımpıada chempıony Eldos Smetovtiń portretin jasap, óziniń jeke áleýmettik jelisine júktedi.
Vıdeodaǵy kadrlarǵa qarasańyz ol eshqandaı basqa qural-saıman qolyna almaı, tek qaǵaz ben qaıshydan ǵana Eldsty beınelep bergen.
Sondaı-aq, Parıj olımpıadasynyń chempıonyn quttyqtap, áserli jazba jarııalap, ózge de sportshylarymyzǵa sáttilik tilegen.
«Qazaqstanǵa Parıjdegi týrnırdiń alǵashqy altynyn ákelgen Eldos Smetovty quttyqtaımyn! Dzıýdo, bul eń kúrdeli sport túrleriniń biri, oǵan 198 ulttyq federatsııa kiredi, biraq bizdiń chempıonnyń arqasynda qazir barlyǵy tek Qazaqstan týraly aıtyp jatyr. Barlyq sportshylarǵa zor densaýlyq pen sáttilik tileımin! Eldos jol ashyp, barlyǵyna úlgi boldy. Mundaı nátıje úshin qanshama eńbek pen qanshama ter tógildi. Alǵa Qazaqstan!», - dep jazdy ol.
Esterińizge sala keteıik, búgingi tańda Qazaqstan quramasynda 1 altyn, 2 qola medal bar. Onyń ekeýin dzıýdoshy sportshylarymyz jeńip aldy.
