Aqtóbede sý qoımalaryna áýeden baqylaý júrgizildi
AQTÓBE. KAZINFORM – Aqtóbe, Qarǵaly jáne Maǵadjan sý qoımasy tekserildi. Ásirse olardyń tehnıkalyq jaǵdaıy nazarda bolady.
Aqtóbe oblysynyń prokýrory, oblystyq tótenshe jaǵdaılar departamentiniń basshylyǵy jáne «Qazsýshar» RMK AOF mamandary áýeden sholý jumysyn júrgizdi. Jaýaptylar Aqtóbe, Qarǵaly jáne Maǵadjan sý qoımalarynyń sý jınaý aımaqtaryna monıtorıng júrgizdi. Sonymen qatar olar Yrǵyz aýdany aýmaǵyna da sholý jasady.
– Mamandar gıdrotehnıkalyq nysandardyń tehnıkalyq jaǵdaıyn, sý ótkizý júıeleriniń jumysyn, qar jamylǵysynyń deńgeıin jáne ózen arnalary men salalarynyń jaı-kúıin baǵalady. Tekserý nátıjesinde sý tasqynyna qarsy jumystardyń qalypty júrgizilgenin kórdi. Maqsat –sý tasqyny qaýpin azaıtý jáne óńir turǵyndarynyń qaýipsizdigin qamtamasyz etý, - dep habarlady Aqtóbe oblysy ákiminiń baspasóz qyzmeti.
Aıta keteıik, Aqtóbedegi iri sý qoımalarynyń teń jartysynan astamy bos tur. Qazir Qarǵaly, Sazdy, Aqtóbe sý qoımalary sý qabyldaýǵa daıyn. Úsheýinde 300 mln tekshe metrden astam bos oryn bar.
Oblys ortalyǵynda tasqynǵa qarsy kúres jumystaryna bıyl 600 mln teńgeden astam qarjy jumsalady. Qys aılarynda oblys ortalyǵynda 364 myń tekshe metr qar shyǵaryldy. Qazirgi kezde aryqtar men kanaldar qar men muzdan tazartylyp jatyr.
