Aqtóbede sý dobynan el birinshiligi ótip jatyr
AQTÓBE. QazAqparat - Aqtóbe qalasynda sý dobynan el birinshiligi ótip jatyr, dep habarlaıdy QazAqparat tilshisi.
El birinshiligi 25 aqpan - 3 naýryz aralyǵynda ótedi.
Jarysqa 2006 jyly týǵan jáne odan kishi jasóspirimder qatysyp jatyr.
Chempıonattyń ekinshi kezeńinde Nur-Sultan qalasy, Kókshetaý, Qaraǵandy, Óskemen, Taraz, Atyraý, Aqtóbe oblystarynan 9 komanda baq synaıdy.
«Jarystyń birinshi týry Atyraý qalasynda ótti. Úshinshi kezeń jáne fınaldyq oıyn Óskemen qalasynda 25 sáýir men 2 mamyr aralyǵynda ótetin bolady. Jarys barlyq sanıtarlyq talaptarǵa saı kórermensiz, jabyq rejımde uıymdastyrylǵan», - dedi oblystyq dene shynyqtyrý jáne sport basqarmasynyń baspasóz qyzmetkeri Erlan Muqan.
Aqtóbelik sportshylar Tarazda jattyǵý ótkizdi.
Onda elimizdegi myqty komandanyń birimen básekege túsip, sheberligin shyńdady.
«Birinshi týrdaǵy kórsetkish kóńil kónshitpeıdi. Ekinshi aınalymda jaqsy nátıjege qol jetkizemiz degen úmit bar. Sportshylardyń keıbiri kásibı túrde osy salaǵa den qoıǵan. Eger úzdikke tórttikke ensek, fınalǵa ótemiz. Fınalda úzdik úshtiktiń qatarynan tabylsaq, Reseı chempıonatyna daıyndalamyz», - dedi sý dobynan jattyqtyrýshy Alekseı Naýmov.
