Aqtóbede sý bógetinen eki adamnyń denesi tabyldy

AQTÓBE. KAZINFORM – Olardyń biri 60, ekinshisi 35 jasta. Ekeýin de jedel qutqarý jasaǵy sýdan alyp shyqty.

Oqıǵa Muǵaljar aýdany Qyrǵyz stansasynda boldy. Sondaǵy «Altaly» sý bógetinen eki adamnyń denesi tabyldy.

- TJD-niń jedel qutqarý jasaǵy 1960 jáne 1995 jyly týǵan er adamdardyń denesin 4 metr tereńdikten alyp shyqty. Olar belgisiz jaǵdaıda qaıtys bolǵan, - dep habarlady oblystyq TJD baspasóz qyzmeti.

Aqtóbe oblystyq PD baspasóz qyzmetiniń habarlaýynsha, denesinde jaraqat joq, degenmen tergeý júrip jatyr.

Aıta keteıik, Aqtóbede 23 jaǵajaı ǵana sýǵa túsý maýsymyna daıyndalyp, jumysyn bastap ketti. Bul – usynystyń úshten biri ǵana.

Temir aýdany Shubarqudyq aýyly mańynda ózenge qoı sýarýǵa barǵan jasóspirim sýǵa batyp ketti.