Aqtóbede sý basý qaýpi basym 15 eldimeken bar

AQTÓBE. KAZINFORM – Aqtóbe oblysy boıynsha sý basý aýmaǵynda barlyǵy 36 eldimeken bolsa, qazir kóbinde aldyn alý jumysy aıaqtady. Áli de 15 eldimekende qaýip saqtalǵan.

Aqtóbe oblysy boıynsha sý tasqynyna qarsy jumys júrip jatyr. Ásirese Aqtóbe qalasynda qar shyǵarý, kóktemde sý sorý jumystaryna dep 400 mln teńge bólingen. Degenmen oblys boıynsha 15 eldimekende qaýip basym.

«Búginde 11 myńnan astam turatyn 36 eldimeken yqtımal sý basý aımaǵyna jatady. Qazir 11 eldimekende sý basý qaýpi joıyldy, 10 eldimekende qaýip barynsha azaıtyldy. Al 15 eldimekende qaýip saqtalyp tur. Sý tasqyny jaǵdaıynda ákimdikpen birlesip jalpy sany 1638 adam, 350 tehnıka, 66 júzý quraly, 232 motopompa daıyn tur. Janar-jaǵarmaı, ınertti materıaldar, qap daıyndaldy. «Qazgıdromet» mamandarymen birge Qarǵaly, Elek, Oıyl ózenderine zertteý júrgizilip jatyr»,- dedi Aqtóbe oblystyq TJD bastyǵy Nurǵalı Júnisov.

Eske salsaq, byltyr kóktemde Aqtóbe oblysyndaǵy Oıyl men Qobda aýdandarynda jergilikti jaǵdaıda tótenshe jaǵdaı jarııalandy. Ol kezde turǵyn úılermen qatar áleýmettik nysandarǵa sý kirip, búlindi.