Aqtóbede sý basqan úılerdi jańadan turǵyzýǵa jer ýchaskeleri bólindi
ASTANA. KAZINFORM – Ónerkásip jáne qurylys mınıstri Qanat Sharlapaev Aqtóbe oblysyna sapary barysynda sý tasqynynan zardap shekkenderge jańa turǵyn úı salynatyn jer ýchaskelerimen tanysty.
«Keshe Ónerkásip jáne qurylys mınıstri Qanat Sharlapaev Aqtóbe oblysyna sapary barysynda sý tasqynynan zardap shekkenderge jańa turǵyn úı salý úshin ákimdik bólgen jer ýchaskeleriniń jaı-kúıin tekserdi. Ákimdiktiń aqparaty boıynsha óńirde 436 daıyn jer ýchaskesi bar, onyń ishinde Oıyl aýdanynda - 321, Qobda aýdanynda - 77, Áıteke bı aýdanynda - 22, Temir aýdanynda 10 jáne Aqtóbe qalasynda 6 jer ýchaskesi bar», - dedi atalǵan mınıstrliktiń resmı ókili Merýert Ibraeva Ortalyq kommýnıkatsııalar qyzmeti alańynda ótken baspasóz máslıhatynda.
Mınıstr júrgizilip jatqan jumystardyń jedeldigi men sapasyn baqylaýda ustaıtynyn aıtqan.
«Sondaı-aq, Qanat Sharlapaev jergilikti kásipkerlermen jáne qurylys kompanııalarynyń ókilderimen kezdesti. Kezdesý barysynda aldaǵy qalpyna keltirý jumystary aıasynda birlesken jumys josparlary men strategııasy talqylandy. Mınıstr josparlaýdan bastap tikeleı qurylysqa deıingi jobalardy iske asyrýdyń barlyq kezeńinde ashyqtyq pen jarııalylyqtyń mańyzyn atap ótti», - deıdi ol.
Buǵan deıin sý basqan úıler men áleýmettik ınfraqurylymdy qalpyna keltirý jumystarymen aınalysatyn úsh jedel top qurylǵany týraly habarlaǵan edik.
